一個App被下架就等如限言受壓?

某宗教團體話 apple 將一啲幫人靠信仰去「醫治」同性戀嘅 app 落架係被限言

愛滋病係病,出個 App 教人去睇醫生醫病,冇問題

賭錢賭到傾家蕩產,病態賭徒係心理病,出個 App 教人去睇醫生戒賭,冇問題

問題係,同性戀係由病毒引起?同性戀係心理病?出個 App 叫人醫就即係將一啲連法律、醫學都冇界定佢係病嘅「狀態」定性為「有問題」需要「醫治」

如果有一日有個 app 叫啲雙性戀嘅人去接受「治療」變為「同性戀者」,會唔會認為個 app 有問題而要求佢落架?但點解兩邊對調就唔係問題?

宗教因教義而有自已一套準則好正常,但當一件事物會接觸到所有人(例如一個 app),管理嘅人就自然要用一套儘可能全世界都接受而唔會反彈嘅準則去處理。

利申,我冇鼓吹同性戀亦唔激烈反對,你係,我唔會避開你,你唔好要我同你一樣就得喇

發佈留言

發佈留言必須填寫的電子郵件地址不會公開。 必填欄位標示為 *